小玲日記

九九年

三月一日

今日晴天, 有煙霞, 心情好好啊!

放工回家後同蝦仔玩完捉伊人後, 同老公釘完粒粈之後唔記得支針放左嚮邊….之

後煮飯, 才發覺冇晒蝦米, 冇蝦米的蒸蛋蛋點會好味呢?

結果落過街市買, 竟然比我見到有叮噹為裙, 好靚, 第二度買卅蚊, 呢度賣十五蚊..行一

陣後見到有呠仔糕, 仲係白色添, 結果買左四個.

返到屋企就見到老公玩緊電腦, 衫都未換, 袋仲咩住, 真係頂佢唔順.

死火, 唔記得買蝦米添, 試問冇蝦米的蒸蛋蛋又點會好味道呢? 於是乎…」老公,同我去買蝦米好唔好呀?」

老公諗到無諗到就應承我啦! 「好呀!」

但係佢走左入房抱左蝦仔出來比我, 話叫我用微波爐整乾蝦仔. 我好嬲, 話左佢兩句..

「冇蝦米的蒸水蛋又點會好味呢?你明唔明白, 即係咁, 冇棍棍(joystick)的電腦遊戲又點

會好玩呢?」估唔到老公佢今次真係明白我講乜, 佢好乖咁放番蝦仔入房, 然後就落街

咯..

呢餐飯食得好飽, 我整好我聽日的飯盒之後, 個心已經諗緊聽晚煮咩好啦…好啦!一於整

竹笙金華火腿卷同埋節瓜遙柱甫啦, 不過遙柱要用水整林先, 金華火腿要聽日放工去上

環買, 媽媽話果度D火腿海味話靚D, 仲要揀D金黃色, 聞落香色落又唔咸的就為知靚.

但係可能要煮耐小小, 我諗老公佢為左食我呢餐, 一定好開心同樂意等我O 既.

「老公, 聽晚我都煮飯!」

「……….好…..好呀!」

佢真係好開心呀!咁我要落力D 至得啦!嘻嘻.

我執完桌去洗碗, 洗完碗拿番D衫出來’浪乾』, 老公可能返工又唔開心, 又一個坐嚮電腦

面前, 仲不時發出一D」喔噢」怪聲..其實佢真係好大壓力O 架..我新為老婆真係要煮多D

好野比佢食至得. 不如煮多個湯丫….魚唇粟米湯…咁我一陣間問佢拿家用都應該爽手D

掛…..」一於係咁話!」

「乜野一於係咁話!」

「硼!」碗掉在地上的聲音.」你好衰嫁!嚇死人咩, 人地洗洗下碗你嚮人後面出現!」

發表回覆

你的電郵地址並不會被公開。 必要欄位標記為 *