小玲日記

三月二日

今日天氣好好 心情都好好

今朝番工將尋晚揀定的裙裙著上身, 才發覺我的身段依然迷人, 不過塊死人鏡掛得太高,

睇唔晒全身.

「老公呀!你幾時將塊鏡掛番低D 呀, 就晒你咩!」

「我裝的時候你睇住嫁, 已經裝過兩次, 依家成牆隆咯喎!」

「咁你今日放工買過塊大D, 可以照晒成身的!」我哄著他.

「咁你要幾闊丫?」老公問.

「唔駛太闊, 你見我幾slim 啦!」

「我見, 係今年最新款的超薄默書薄丫嘛.吸水力極強, 又唔會漏.」老公說.

「唔同你講!」

「我返工啦, 老婆!」老公企嚮門口嚷著.

我即刻放低手上的東西, 拿拿聲走出去追佢.

「Bye Bye 老公!」我作錫狀.

「…啜……」老公好大個嘴咁錫過來.

「咩來嫁, 立剌剌咁?」老公抹抹個嘴嘴.

「係最新的SKII 潤唇膏啊!」

「橙味?」

「冇味嫁應該!」

「O 我….有lift 啦, 我走啦」

「小心D 呀! 仲有呀, 下次唔好行得咁快呀, 一陣我唔記得比咭咭(kiss kiss)你,你又唔開

心呀!」

「好呀!」老公個樣好開心.

「拜拜老公!拜拜老公!」

「拜拜啊老婆, 我愛你啊老婆!」我終於得到老公好大聲的回應, 我好開心呀!

「我愛你呀!」…..」噢..架lift 走左添…算啦!」

撘地鐵的時候, 已經係九點正.

又遲到添, 早知索性唔返公, 送老公啦! 嘻!

我睇到對面一個好醜樣, 又要懶係靚咁的老女人, 又帶Gucci 手袋, 又Fendi 外衣, 鬼唔係假野咩. 哈, 粒石鬼唔係自己買咩, 你估你咁死款有男朋友送咩…不過睇落又幾閃喎….好, 等我行埋D,同我果粒比比先.

我靜雞雞咁行埋 D 果個老女人度, 隻手又渣住碌地鐵小雞雞(地鐵扶手, 老公稱之為地

鐵的小雞雞), 發覺一比之下, 呢個老女人果粒最少有八十份, E 色澤.

方石來的, 比起我粒圓石應該平好多啦……不過都幾好睇….我再望一望個死人老女人,

佢竟然轉身行開. 就嚮呢個時候,我睇到一男人手上的報紙標題….

「SKII 另四個愛靚的女人委容…..」

「唔係嘛?」真係嚇到我死, 我即刻用我個Hello Kitty688 打電話比若如..

「喂, 阿妹呀?」

「係呀!大姐呀!」

「係呀妹, 你返緊工呀?」

「我返到公司好耐啦! 你呢.」

「我仲答緊地鐵呀!」

「係呀, 阿媽問你今個禮拜日返唔返屋企食飯喎.」

「都好喎, 反正小強今個星期日公司食飯, 咁好丫!」

「咁我同呀媽講啦!」

「好呀!唔…我唔同你講啦, 我到站啦, 拜~~(馮家祖傳發音, 請注意, 個拜字大概講兩秒

鐘度啦, 個音由高到低再去番高咁)!」

發表回覆

你的電郵地址並不會被公開。 必要欄位標記為 *