小玲日記

四月

四月十七日 星期六 心情=老公=麻麻

今日要返工, 知道老公唔開心, 返工前錫左佢一下之後就走咯. 見到佢訓覺無左鼻鼾聲,

又無流口水, 一定係乍訓, 不過算啦, 就又佢以為我唔知啦.

「我唔撈啦!」老公尋日打左好多次比我, 淨係同我講左一句咁大吧. 我唔想煩佢, 所以無

問佢.

「你睇我隻錶錢形!」秘書嬸嬸好翹咁大叫.

「係喎, 係最新的卡西歐網上時計喎!」打字姨姨和應.

「睇過, 普通膠錶之嘛.」我有少少睇佢唔起.

「話你唔識咩叫INTERNET 嫁啦! 呢隻係全球第一隻不分時區O 既新世代電子錶, 要成

五百八十蚊嫁!」秘書嬸嬸好串.

「五百八十蚊隻膠錶又幾底喎!」我串番佢.

「公價要六百蚊嫁, 我識人至囉到嫁, 你恨唔到咁多!」

「咄>.<! 「我一陣就係買番隻來戴! 仲要平過你添呀!」我好嬲.

「睇下點, 因住你公鬧鬼你呀, 又買野, 前日先至見你買左個新HELLO KITTY 杯….」

「至唔會呀, 老公咁錫我!」

放左工拿拿聲走去公司下面的錶舖…

「呢隻膠錶幾多錢呀?」我問個售貨姨姨.

「六百蚊!」

「五百四十得唔得呀?」

「公價黎喎!」售貨姨姨個樣好翹.」最多送本最新時計集比你拿!」

「五百八十蚊加本時計集!」

「好! 最盡五百六十蚊唔送時計集!」姨姨好串咁答我.

「咁本時計集要幾多錢?」

「非賣品, 買就五蚊!」

「咁五百六十五蚊連埋時計集!」

就係咁我又戰勝左個姨姨, 我好開心咁戴住返屋企, 然後嚮入門口前擺番入個盒度.

「老公, 我返……」我嚇到傻左, 只見老公企嚮張椅上便, 條繩縛住天花板. 我好驚,即刻沖

上前攬住佢.

「老公唔好咁傻呀!」

「你做咩呀? 我整緊盞死人燈之嘛!」

「你唔好呃我, 我見到你縛緊個繩圈嫁啦!」

「呢個叫」他錶」唔係繩, 係用來測試下盞燈做咩唔著O 既, 況且你老公我成百幾二百磅

又點會頂得住丫?」

「係喎, 人地驚你心情唔好丫嘛!」

「我無事, 我一諗起新公司有新姐姐之後, 就當堂開心晒咯. 唔好講咁多先, 去試下著燈

啦!」

「好, 我去換衫先.」我實在信唔過老公, 上次同人整個風茼, 點知整就整好啦, 但係就比

以前熱左好多, 差D 可以吹到紙都著火, 佢的解釋係因為條咩線一節斷左, 因為駁番之

後短左, 所以熱左. 我雖然唔知點解, 但係一諗起我差D 吹到個頭著火呢單野, 我以後

都有陰影.

「唔好扮野, 你快D 去著燈! 我要CHECK 下點解硬係唔著! 你放心, 你老公我讀…」

「…醫醫丫嘛! 去咪去.」 我走到門口的燈掣, 一著.

「………..」

全屋野熄晒, 有時我唔係唔信我老公, 只係擔心佢有一日電親就唔好啦. 老公就係

咁,心情唔好就會將平時唔做O 既野羅番出來做. 佢整唔到盞燈之後, 又走去整個壞左

好耐O 既熱水壺. 今次佢無叫我著, 佢話今次好成功, 因為個熱水壺裡面的熱力感應保

險絲燒左, 索性SHORT 左佢算.

「好野呀老公, 你好叻呀!」我其實好驚.

「駛乜講!」老公好開心我讚佢.」你試下斟D 水飲下.

「哈哈, 我都唔頸渴, 咁佢盞燈著, D 水熱咪得囉. 哈哈哈….」

「你飲杯啦, 作為’整番個壺後第一杯水’的開張儀式啦.」

「哈哈, 好呀.」我諗無野掛, 都見到個壺嘩啦嘩啦咁滾起來咯, 於是乎我斟左一杯. 「老公

好野呀! D 水好熱呀!」

「駛乜講, 我讀醫醫個喎!」

「低錫!」老公個樣好開心, 我獎勵下佢啦!」老公, 送比你O 既!」

「O 下? 膠錶?」老公個樣好驚喜咁.

「係呀, 唔係一隻普通的膠錶, 有狗狗走出來嫁!」

「…………有咩用呀隻狗?」

「唔知呀……」

「唔……………」

「仲有響鬧嫁!」

「O 我? 有響鬧的電子錶有幾唔奇呀?」

「唔同嫁.」我一路解釋比老公聽.」呢隻嚮O 既時候有隻雞雞走出來嫁! 仲可以倒數二千年,

倒數老公生日, 又何以襯牛仔褲, 返工又戴得! 仲有網上時計添.」

「咁叻? 咁你記得SET 定老公生日時間咯喎!」

「好呀! 不過你要幫我SET 喎, 我唔識用呀!」

「好啦好啦…..」

「多謝老公!」真係好開心, 又有新錶戴啦!

「依? 老公呀, 點解個熱水壺滾到依家仲滾緊O 既?」我好奇怪.

「SHIT! 同我一樣添!」

「咩同你一樣呀?」我唔明O 既?

「無無無…我諗係因為個溫度感應出現問題O 既姐, 呵呵呵, 等我再第下…..」

發表回覆

你的電郵地址並不會被公開。 必要欄位標記為 *