小玲日記

五月

五月八日 毛毛雨

晏晝同老公飲完茶之後, 見老公個樣好似唔多妥, 九成又係茶樓D 野肥利啦, 於是

乎….

「老公, 今晚煮食送好唔好?」

「…..好……」老公個樣好驚喜.

於是乎我叫老公番屋企先, 然後去測魚涌街市買食送. 自從老公傳受左佢去街市買

食送的口訣比我之後, 我信心大增, 同D 嬏嬏買食送, 都講到價, 唔會比老公笑.

埋到魚檔, 我諗住買條魚清清地整比老公食, 見到有游水火點賣卅八條, 盲鰽廿蚊

條好抵.

「呢條火點幾多錢呀姨姨?」我準備同賣魚姨姨講價.

「卅八蚊丫靚女!」

「嘻!」我好開心, 因為又比人讚靚女.」我要呢條廿八蚊得唔得呀?」我指住條唔大唔細O

既.

「O 下? 咁呀? 好啦! 幫你當埋又點話.」賣魚姨姨好好人.

為免又要勞煩老公大人買薑呀蒜頭咁, 我買定好多. 「今次應該好順利啦掛…」

買左好多食送, 準備今晚的三食送一湯, 有清蒸大火點, 花旗參瘦肉湯, 饟豆卜, 淥芥

蘭.

返到屋企, 拿拿聲走入廚房, 唔想比老公見到我整咩野, 比個驚喜佢丫嘛!

首先整煲湯先, 因為要滾耐D 至出味. 醃定D 豬肉等陣饟豆卜, 然後拿條火點出來洗,

點知…

「呀~~~~~~~~~」我好驚, 走出廚房大叫.

「做咩事呀?」 老公好關心我咁走入來.」搞唔掂不如出街食啦!」

「我知你擔心我煮得辛苦, 但係我係唔會放棄O 既, 老公, 你真係好愛我!」我真係好林,

老公好緊張我.

「………係呀係呀, 呵呵呵…做咩事大叫?」

「無野, 條死人火點仲會郁呀! 都當左啦, 仲會郁!」

「啦, 其實係因為有D 神經線未死晒的緣故, 當有外來…..明唔明呀?」

「唔明!」人地真係唔明丫嘛!」可唔可以幫我洗呀?」

「等我睇過….」老公走埋去個洗碗盆度.

「呀~~~~~~~」然後走番來.」我懷疑佢仲未死, 我見佢仲識游下游下咁, 呢鑊野好KICK 手

下, 不如出街食啦!」

「D 腸都擺晒出來都仲識游水?」我好驚訝.」咁啦, 不如放佢入雪箱, 雪死佢先再算!」

就係咁, 老公好驚咁將條魚就咁拋入雪箱, 閂番度門之後隱約仲聽到佢間中的爭扎.

「呢條盲鰽生命力都好強下!」

「呢條唔係盲鰽來嫁, 係火點.」我說.

「明明係盲鰽, 火點有一點係兩邊魚身上面.」

「係喎! 死, 我又比人呃左!」我好唔憤氣.」個死八婆我以後唔幫襯佢!」

老公無理我又番去玩電腦, 佢成日捕住部機完全唔會厭嫁, 我相信當佢唔再鐘意電腦的

時候, 就係我地一家幸福的時候.

「老公, 幾點呀依家?」

「五點拿老婆!」

「唔, 差唔多啦, 兩個鐘咩都死咯掛!」我心諗, 然後嚮雪箱中拿番條好似冰條的火點….唔

係, 係盲鰽至O 岩出來.

「死火, 成條冰條咁點洗呢?」於是乎我放左佢入微波爐丁熔佢.」用慢火丁佢廿分鐘應該

可以咯呵?」

「OK 啦!」老公認同我的諗法.

用好小心咁饟好D 豆卜, 然後睇下煲湯都差唔多, 放晒成兩花旗參落去煲, 睇下老公仲

會唔會嫌無花旗參味.

「丁!」微波爐說.

我拿番條魚出來, 嚇死我, 因為我發現條魚竟然以經熟晒, 但係仲未洗.」點算呀老公?」

「出街食啦!」老公掛住玩電腦.

我係唔會放棄O既! 我唔理三七廿一放條魚入水洗過, 諗住一陣左番蒸一下落D豉油老

公個」無知覺嘴」應該唔覺.

「死火!」眼見條魚入水後一塊塊肉咁甩出來, 仲開始熔添…

「食飯啦老公!」

「今日咁早O 既? 九點未夠竟然開點飯!」

「嘻嘻……老公, 你個嘴角點解有餅碎?」

「…..呵呵呵…..我見仲有兩塊餅, 呵呵呵….就過期丫嘛…呵…食飯啦老婆!」

「食飯呀老公!」我好奇怪, 不過算啦, 老公不嬲都唔浪費丫嘛.

「條魚好好味!」

「係? 嘻嘻嘻?」

「點樣整到好似沙甸魚咁?」

「嘻嘻嘻…….」因為我將D 甩晒出來的魚肉加多鑵沙甸魚入去炒, 希望老公個」無感覺嘴」

發現唔到.

果然, 老公發現唔到, 仲食得好開心添!

發表回覆

你的電郵地址並不會被公開。 必要欄位標記為 *