小玲日記

六月

六月十一日 天氣=正

今日老工約再我放工嚮於旺角地鐵站便利店等, 因為佢今日將會貪新忘舊.

「呢度三仟五蚊, 李生你數數…」一個肥仔說.

「O 岩數, 多謝晒!」老公說.

「我真係好唔捨得, 呢部野陪左我咁耐! 係第一代O 既7000 機王啪掣版, 想搵都搵唔

到.」

「我會!」個肥友好似執到寶咁笑.

老公收左錢之後拿拿聲拖住我去櫃員機拿錢, 準備貼D 錢去買過部新機.

「咁都比我搵到個老襯買我呢部過時DVD 機, 真難得! 買過部新都係四仟到, 哈哈哈!」

老公好開心咁.

「真係唔捨得, 部機仲咁新, 用開又有感情.」我眼濕濕咁.

「頂你唔順, 你會唔會嚮沖走舊屎之前都會眼濕濕唔拾得?」

「費事同你講.」我好嬲, 我懷疑我老公係冷血O 既.」你第二時會唔會好似部新力小機機咁

對我?」

「我……點會?」老公逃避我的眼神.

「咁你將會買果部機係咩來?」我嘗試從老公的新歡中找出疑點.

「你識咩丫!」

「講來聽聽, 我想知呀!」老公有野隱瞞.

「係新力的7700.」

「咁原本果部呢?」

「係新力的7000.」

「有咩分別?」

「差七百.」

「我….唔明! 你只係差七百就放棄一個跟左你成兩年的七姐姐?」我有D 眼濕濕.

「唔係咁講O 既. 拿, 你當屋企隻無帶好耐的舊鑽石介子係七姐姐, 依家帶緊果隻係七

七姐. 你都係一樣為左七百將七姐恨恨咁放入手飾箱中, O 岩唔O 岩?」

「人地無賣比人喎!」點知你會唔會賣左我嫁! 我越聽越心寒.

「我無你咁多錢丫嘛, 我有錢要留番D 來乙水我個老婆仔, 係咪?」

就嚮老公膚顯緊我的時候, 我感覺到有人昅住我. 於是乎我四週打量邊個咁有

TASTE.

「你好!」姐姐竟然離好遠咁同老公打招呼, 我好嬲, 係咁啤住佢地, 只見一個成身

HELLOKITTY 的姐姐好驚訝的樣子.

「你……好!」老公口疾疾.

「吃吃…」佢地用暗語.

「吃吃…」老公答.

「吃吃!」

「吃!」

「邊個?」我令住老公隻耳仔.

「你唔覺佢個名已經呼之慾出咯咩?」

「你所講的HELLO KITTY 姐姐又乞人憎又老又結左婚又醜樣個喎, 但係我一D 都唔覺

喎!」

「唔係呀嘛, 我好覺喎….你放開隻手先啦….唉, 估唔到你D TASTE 突然差左咁多!」老公

個樣好真, 唔似講大話.

「唔…算你啦, 咁佢又係醜樣左D..」

「行啦, 我好心急換老….唔係, 係換機至O 岩…嘻嘻.」

我最憎O 既地方有三處, 第一, 電腦中心, 第二, 音響中心, 第三, 遊戲機中心. 呢

三個地方D男人都有一個共通點, 就係平時見到女人會發慌的男人, 一去到呢D地方就

會唔記得晒, 有靚女都唔理. 老公都唔例外, 只見佢一上到旺角影音中心之後, 平時賤

格咸濕的樣即刻無晒, 如果佢呢個樣行出街, 一定比好多姐姐鐘意. 於是乎我昅住週圍,

有無走失左O 既姐姐昅我老公.

老公突然加快腳步走過去 DVD 機的櫃位, 然後問…

「新力DSP-7700 幾錢?」

「行就6000, 水就6300.」

「咁行同水有咩分別呀?」

「小姐, 水就110V, 行就220V, 機本上無分別.」

「呢間舖係全香港出晒名無品SALE 屎集中地.」老公細細聲同我講.

「咁點解差三舊呀?」我唔想老公話我唔投其所好, 又為左要做一個樣樣皆知的新時代女

性, 於是乎我決定用我畢生對電器的知識問過究竟.

「運費!」

「咁行貨唔駛運嫁咩?」

「得得得…..細路女行埋一邊, 唔好嘈住大人講野.」老公拉開我.

「先生, O 岩唔O 岩丫, O 岩就呢邊比錢.」個SALE 屎塊面開始有D 紅.

「大拿拿幾仟蚊睇O 岩就比錢唔駛試嫁咩? 好似買橙咁O 既?」」我見個SALE 屎哥哥臉色

一沉, 咁唔講囉.

「嘻嘻, 睇過O 岩就比錢啦, 唔駛咁急…睇睇先, 睇睇先!」老公又來軟弱的一面.

「我睇落跟本同舊果部一模一樣乍喎, 除左個NO.多左七佰之外.」

「你唔識唔好問咁多啦!」

「拿小姐, 唔好睇佢外表同舊果部一樣樣, 其實佢比7000 多左一盞燈!」SALE 屎哥哥又唔

係想像中咁差乍喎.

「多左一盞燈?」我好奇怪.

「係, 一盞燈! 呢盞燈叫DTS 燈!」

「DTS 燈? 咁7000 無燈好定係7700 有燈好?」

「咁當然7700 好過7000 啦, 話晒都多七百丫嘛. 不過第一代的7000 就無得賣咁滯嫁啦,

搵到都係極品, 無人賣嫁啦依家!」

「係咪即係啪掣版呀?」我好似記得老公講講O 岩O 岩頭先用三仟五蚊賣左.

「係呀, 估價比7700 還高呀依家! 小姐你真識貨!」

「係呀, 我O 岩O 岩先…………..」

「得啦得啦, 我要一部丫.」老公唔比我講落去.

「來一部7700 行….」

「呢度6000 蚊, 現金.」

「唔係差七舊乍咩?」我好唔開心, 老公又洗錢無我份啦.

「我怕左你, 一陣我請你食雪糕, 唔該你上車前唔好左出聲.」

「我要買鞋!」

「好啦好啦, 怕Q 左你..」

「YEAH~~~」

巴士回程中…

「咩叫DTS?」

「有佢會好聲D…」

「咁有咩好?」

「番去睇說明書.」

「你個樣好黑呀老公, 部機係咪比人呃左?」

「無呀!」老公好抆猙.」我呃左佢都來唔切! 三仟五蚊買過部新都得呀! 哈哈哈!」

「你唔好死頂! 你果部係第一代啦掣版, 有錢都搵唔到!」

「你聽果班白痴講丫, 賣比條友一仟我都有賺呀!」老公仲死橕.

「我都知無人可以呃到我老公嫁啦, 我老公咁醒!」我身為老婆係唔會踢爆老公O 既.

「駛乜講!」

發表回覆

你的電郵地址並不會被公開。 必要欄位標記為 *