小玲日記

八月

八月廿一日 天氣=一號風

今日老公要返工, 訓到成十二點先起身洗面擦牙. 照鏡O 既時候發覺塊面又黑左,

好抆憎.

「我咁辛苦, 又用BHA, 又用漂白, O 徙左成幾千幾, 都唔夠同老公去半日石澳就功規一

貴. 激死我! 等我一陣落街食完早餐, 就出旺角買SKII 美白面膜整番白佢! 用老公張金

咭. 鬼叫佢整到我咁黑拗呀!」

我拿拿聲換過件衫, 同蝦仔玩左大半個鐘捉伊人之後, 因為踩親蝦仔條尾, 佢唔采我.我

無理佢, 落街撘地鐵.

「一號風球都咁猛太陽, 好采老公今日要番工, 如果唔係佢又要去石澳, 到時我唔變成

黑妹才怪!」

地鐵車箱中…

「晒多兩晒, D 雀班呀, 墨屎呀就走晒出來! 激死我呀!」古來稀姨姨說.

「你又係利害D 既, 不過我無野好, 塊面就唔駛點樣理都無乜問題.」屎撈人嬏嬏說.

「不過你樣衰身裁差呢! 肥夠滑囉!」我心諗.

「用新出果個雙氫氧丫, 聽講有雙換膚漂白幾好呀, 好快就淺色左!」屎撈人嬏嬏說.

「雙氫氧?? 咩來? 個名咁死古怪?」

「我都唔係好清楚…」

「係H2O 呀白痴! 日本新興牌子, 不過同 SKII 仲差D, 平時賣來粗用查腳板去死皮, 漂

白雙腳就得! 查臉喎!」我無理佢地, 因為我已經到左旺角啦. 為左專重爸爸, 通知聲更

要.

「老公呀, 我好乖呀今日…」

「無破壞到屋企野都算乖O 既.」

「係呀! 我重幫你拿左條牛仔褲去補, 仲有洗左衫, 同蝦仔玩!」

「但係你踩到蝦仔喎!」

咁你都知?爸爸好野呀!

「原本你咁乖, 家陣扣番呢樣果樣, 你去旺角想買SKII美白霜, 本來就無問題O既, 之但

係你踩到蝦仔, 準你去先達買條電話繩啦!」

「咁大把?」我好嬲!

「要唔要? 唔要就唔好要, 一係自己比錢買!」

「好巴閉呀, 自己咪自己!」

我好嬲, 人地D 少奶奶唔係咁嫁嘛, 我應該十二點起身, 擦牙, 然後去酒店食早餐,

跟住同D 少奶奶一齊SHOPPING, 然後做FACIAL, 最後接老公放工. 我依家只係話買

果仟零蚊野都唔比! 第時我做左少奶奶的話, 唔鬼接你放工!

「我要呢支, 呢支同埋呢支丫, 唇膏都幾靚, 呢隻色都唔錯, 我要呢…死伙..呢支同呢支

都好好喎…」

「小姐, 其實色就差唔多, 不過…」SALES 姐姐說.

「….不過用來襯我果套新番工衫都幾好丫, 差D 唔記得仲有對新鞋, 呢兩支可能唔夠

用….」

「小姐, 其實你一係買呢隻色一支, 果隻一支….」

「…我全部都咁鐘意喎, 我要晒佢!」

「小姐, 多謝你九佰八十蚊丫! 現金定EPS?」

「金VISA!」我覺得我好型呀, 呢一刻有好多姨姨用好羨慕O 既眼神望住我.

「我地唔收VISA嫁小姐! 唔好意思呀, 舖頭仔…」

「有無搞錯呀, 咁大間舖頭唔收VISA! 我無咁多CASH 嚮身喎! (死人頭!)」

「EPS?」

咁我唔要啦!

「多謝小姐, 下次再來!」

揀得咁辛苦先揀到呢幾支, 用左我成個幾鐘頭先話唔要? 最多我咪比錢先, 問老公拿番!

依? 呢個灰色Mosquito 幾正喎! 入去睇睇先….

「你好呀李太….」

六點鐘….

約左老公嚮銀行中心等, 因為我行到隻腳有D抽根, 所以拿拿聲去左就近的台灣飲

品舖頭抖下.

「你一袋二袋咁, 你想同我打包呀?」

「唔係呀, 係我買完野用來袋住D 野之嘛, 唔係同你打包嫁!」

「買咁多袋, 同同我打包有咩分別?」

「唔係你比嫁!」我據理力掙.

「咩野話? 講多次?」

「唔係全部….你比…嫁!」

「咁邊幾袋丫?」

「呢袋, 細細袋….」

「一袋咁大把?」老公塊面好黑.

「呢依係我比, 其他用你張咭….」

「頂你, 我辛辛苦苦慳埋唔夠你一舖洗, 係咁, 唔好同我講野!」老公真係發痺氣呀, 死啦!

「老公呀~人地都係買左你個二仟幾蚊之嘛, 你舊屎都唔係咁……拿, 你睇下, 呢個袋係

最新MOSQUITO, 幾靚, 我見你鐘意灰色我先買呢個乍….老公呀~」我用女人最利害的

武器對付老公大人.

「>_<!」老公.

「死啦, 老公好嬲呀真係…呢次大鑊啦, 我又係O 既, 買住仟零蚊咪算囉, 我要乙水老公!

等我用老公平時乙水我的方法來乙水佢先.」

「老公呀~~~來啦~~~唔好諗啦~~~」

「-_-「老公.

「老公呀~~~老公~~」

「你飲完未呀? 飲完番屋企呀!」

「人地D化妝品都係為你而查, 為你而買O 者, 塊面白D, 靚D多人望D, 你身為老公都

會開心D 啦!」

「你靚D, 多人望D, D 人係諗住’美女與野獸’乍, 你估我好威呀?」

「唔係呢老公, 你咁型! 人地羡慕都來唔切啦!」

「-_-「老公.

呢個時候, 竟然有個黑人姐姐入來呢度飲奶茶, 千載難逢的機會, 我靈機一觸!

「你睇下老公, 拿, 你聚著呢D 黑人牙膏就唔駛買SKII 美白霜啦! 黑拗拗咁, 幾咁難睇

呀! 你都唔想你老婆成支黑人牙膏咁嫁. 況且老婆成日陪你去石澳游水, 其實人地都唔

鐘意O 既, 都係想你開心O 者!」

「你玩沙不知玩得幾開心!」

老公嘴角有笑容, 我成功啦! 我當然唔會咁快收手啦, 一陣又嬲過咪死!

「係呀, 我玩得好開心嫁都! 嘻嘻, 做黑人牙膏其實都幾好嫁, 唔駛O 徙大部份的錢去買

化裝品, 專家話, 後生女用上八成錢嚮化裝品度嫁!」

「係呀係呀, 你又知! 你係黑妹呀? 人地呀, 買SKII 防白霜呀, 你唔知!」

「邊有防白霜嫁?

「你係黑妹丫, 佢睇你都唔知幾肉酸呀, 成隻白豬咁! 人地出外旅行, 晨早一起身照

鏡:’OH SHIT! 又白左!’個情型咪同你成Q 日對住塊鏡:’OH SHIT! 又黑左!’O 既原理一模

一樣! 人地去O 岩呢D地方無太陽晒, 終日黑天陰地, 又紅色警告, 又黑色警告.一個唔

覺意番到非洲變左白人無人認得唔緊要丫, 比人笑事大丫嘛. 人地越黑越靚同你地越白

越靚同出一澈! 你估人地唔怕白呀?」

「邊會嫁?」

「唔會?我係SKII, 我拿拿聲出隻專放大吸收太陽紫外光的UVA, A FOR ABSORT, 保持

美黑由呢分鐘開始! 黑到立立拎! 專家話, 男人錢最好賺, 只要用你地D 女人來過橋!

你估你地自己錢呀? 過多幾廿年, 又話D 男人無用呀, 無錢淨呀, 你睇! 我都多過你呀

咁.你估你D 錢點來? 男人辛辛苦苦搵錢番來, 女人無論高矮肥瘦樣好樣衰都會用晒男

人的錢去買東買西買化裝品, 白又話白, 黑又話黑, 頂你地, 我地D 男人, 星期六都要

番工呀! 放工又話一號風….」

「老公又發UP 風, 我無理佢, 至少佢肯開聲, 開聲就即係下左淡氣. 我靜雞雞打開D 袋

袋, 睇下我個新靚靚手袋. 嘻嘻!」

發表回覆

你的電郵地址並不會被公開。 必要欄位標記為 *