給老公

老公強,


我知你好擔心我,壓力好大! 為咗我嘅醫藥費同屋企開支,又要返工其實好辛苦。咁辛苦你都頂住,我都會加油,盡力捱過去! 雖然我未必可以陪你終老,但係今生能夠成為夫妻我已經好滿足,無憾了!
假如我先過版,發現有辦法帶埋你而我哋又再可以一齊,我一定會同你講,萬一做唔到,請你應承我,你會好好過生活,唔好自暴自棄,傷心幾個月好啦,之後要重新振作,你今年先得48,可能仲有幾十年命,有機會嘅搵番個伴,冇人照顧你我會擔心㗎,雖然唔捨得將你讓比其他人,但係我陪唔到你都冇計啦,放心我唔會嬲,將來如果遇到啱嘅人,帶埋佢嚟同我打聲招呼就得,我批准佢入門啦?
萬一你太挑剔冇搵到合適嘅人,你要好好照顧自己,水要煲滾先可以飲,著過嘅衫拎去洗,床單要換㗎,唔好要我擔心你。
萬一真係無法帶埋你,我會同臭豬喺目的地等你,你應承我要好好過埋呢二、三十年呀!


老婆玲

發表回覆

你的電郵地址並不會被公開。 必要欄位標記為 *