拉姆軍抗戰日 (聯軍假日)

天氣(心情)=佳

今日星期六, 睡到下午一時才起身, 去o左銅鑼灣英記飲茶, 茶樓熱鬧非常, 我o地等o左差不多成半個鐘先至可以坐下來….

我正在聚精會神o甘睇緊報紙. 「………有關大陸無證兒童在港居留權一案, 恐防大陸有大量人蛇偷渡, 再引發偷渡潮, 港府決定….」

「老公呀老公, 你估要豬潤腸好丫, 定係牛肉腸好呢?」 白痴玲把頭鑽入我的報紙防護罩中, 並克意打亂了我的思緒.

「….我唸, 豬潤腸會野味D」

「哎呀, 我都係咁唸呀, 我o地不愧為兩公婆呀!」

「係呀, 我都係咁唸呀, 老婆婆」心中湧起打佢的念頭, 但隨即便受到控掣, 深呼吸一下.

「….港府決定詳細地檢討現時的法律基掣, 看看有沒有….」

「老公呀老公, 你估要腊腸卷好丫定係要差燒包好?」 白痴玲擠出一個係人都會估到佢個名o既樣出來. 我實在忍唔住, 好想打七佢, 但係只係我的潛意識行為, 並沒有可能執行. 於是乎我放低o左張報紙, 用好溫柔的聲音同佢講:」 老婆呀老婆, 啦, 乖乖地, 自己想食o物就剔o物, 唔好阻住老公睇報紙好唔好, 作為一個宇宙最強的戰士的老婆, 要有自己的主意o家, 如果唔係有敵人入侵時, 就唔得啦, 乖, Gigi蕉啦(「自己叫」的國語發音)」

「賤命!(遵命的國語發音)」

「…….關於四名十八歲的殺的童犯, 大法官應為歸跟於現時社會風氣, 電影, 電視和物實的影嚮, 加上物質的誘惑, 名牌的比賽, Hello Kitty 同 「真氣SKII」 這類途毒年青人的思想, 會令他們的智商低下, 係咁比錢佢地洗. 奸商們往往為了自己的利益,方便自己的統計, 於是乎將這班智商低下o左o既人群, 不單要佢地成身Hello Kitty裝飾, 無論背襄, 手錶, 銀包, 項鍊, 介子, 甚自將自己成個人變成Kitty, 變成粉紅色,背後還有一頂有動物耳仔的帽. 仲有, 無論日頭或者夜晚順覺時, 都查果隻o物QSKII… 不單只這樣, 我們亦要考慮到Gucci, Fendi, Avendealitti, Maitti,Santinna Coza….的郊應會令男士們增加負擔, 於是乎引發起社會的動盪和冶安問題.大法官亦應為這件案係一件家庭的悲劇……..」

「救命呀, 救命呀!!!!!!!唔….好……啊呀!!!!!!!!!!!!!!!!!!!!!!!!!!!!!!!」

發表回覆

你的電郵地址並不會被公開。 必要欄位標記為 *