|
小強網大聚會2002 時間: 18-10-02 星期五 晚上七點正
地點: 旺角女人街1A-1J時尚廣場一樓
酒樓: 福星火福, 入到尾近食物台一邊
時限: 七至十一點半左右
形式: 自助火窩, 任食任飲, 包啤酒汽水橙汁等
上次出席過的朋友應該知道點去. 嚮女人街尾近廣華果邊右手邊上樓. 貪佢全包時間有得傾合BUDGET(加一湯底每位實收$97)
到時各朋友自願帶備禮品(可帶可唔帶適隨尊便), 女谷友讀書失業可免每位$100(請預先通知小強), 照比小強亦會收, 比多小強亦唔介意.
請大家準時, 或盡量早點到. 因為去過的朋友都知, 氣氛好快就會爆燈,到時先插入來恐防會被情緒高漲的谷友推上台玩除衫...
好開心得到DVSHOP贊助送出DVD禮物幾廿份. 人人有份, 永不落空..一旦落空, 只怪自己無胸...
好啦, 緊張又令人期待隨時最後一鑊的小強網大谷聚的日子就到. 未報名可以盡快,報左名亦可以盡快縮沙.
當晚因為*可能*有好多美女出席, 請記得妝扮下. 專重自己, 專重隔離台.
***************
出席名單:
1, 小強
2, 白痴玲
3, 屎提芬
4, 傻佬文 (未知得唔得..但報定先..如果唔得..我照俾錢!當大家開心下)
5, PPP(未知得唔得..但報定先 )
6, 熊 (我算唔算失業呀？)
7, Kit
8, Louis and大人(可能)(大佬呀,一百幾十都比唔到既唔該唔好出黎強谷行啦,多謝!)
9. 蝦(八點半放工先過黎都得架呵?)
10. Terence (車厘子) <唔好執輸，補返個簽名係度先！>
11, mei(不過我收7點幾,來到搵你地啦~)
12, LAN (人人都括號, 幾大都唔執輸)
13, sting [比個角位我靜靜地就可以了]
14. 阿步(黎硬架勒)(?)(括多下先)
15, 奶 (必到)
16, 路人甲 Noki~~~~~
17. Rururu (括咩好呢? 呀係, 應該要八點半先到到)
18. Ken (終於等到再次目睹小強大人的風彩喇!!!)
19. 四屍 (一條屍..會遲到..放6:30pm..再由西頁出來)
20. Law (嘩好多生保人呀,有d驚驚,想問下點解揀星期四咁特別 ?)
21. 擊!!!(樓上o個位唔駛驚!!我又來!!!九成十到！!!!!!!!!!!!!!!)
22. DD ( check 左果日可以到！ )
23. 167 (都唔知係咪簽呢到添...我走堂都黎呀, 仲有雖然身為高官, 但既然有份食
錢照比啦我)
24. 提督 (如無意外既合理同無時間上抵囑既情況之下，小弟都應該好可能會去)
25. 柿
26. 芒 (可能十點先亂入,主要睇你地幾時散)
27. H (黎到o既,黎到o既.......)
28. 汀(希望退到燒)
29. Ronald (約7:45pm到)
30. 格林 一o一 (最高消費$100好啦! 失業XX個月呀!~ 仲要讀ive~...岩岩33個,係嗎
31, GALA
32, 肥仔老襯底
33, 舞
34, STEVEN (LAN兄朋友)
35, Jessie
36, 小魔鬼
37, Rururu女友
38, 汀汀男友, 阿添
39, 行過的數碼店老板JOE哥
40, 行過的阿京
全部出席了! 真神奇! 四十人的場面一度失去控掣! 嚮睇下各谷友的聚後感之前, 循例都要多謝下人.
當晚除了部份人帶禮物到場之外, 還有由數碼店送出了大量DVD, 當中包括...
30隻三區'妳想丈夫'
1盒韓劇---順風婦產科
1盒日版---天空之城
1本---松田聖子寫真集
1隻新鮮出爐的----三區冰河世紀
需然JOE哥因工事無法出席, 但其心意實在令小強感動. 我決定以....
********
實際清況---空前偉大, 熱鬧非常!!
************
交換禮物情形
方法是, 由禮物物主決定送給誰, 然後該位朋友要出來講講他認為送禮物給他的原因. 得獎者包括有...
1, RONALD (奶佬的神秘禮物)
2, KIT (四屍的大頭狗筆茼)
3, STING (小強的 MG Z模型一盒)
4, 阿步 (STING的骨骨公仔)
5, JESSIE (小魔鬼的快閃)
6, 舞 (JESSIE姐的唔知乜乜)
7, 唔記得...(MEI姐的超合金)
當晚特別大抽獎時候, 小強嘗試用問問題方法去決定. 於是乎小強出了幾條問題, 都係圍繞小強日記的, 它們是...
1, 最近一集小強日記之全名 (答案: 蘭卡強日記之---必答題)
2, 最受歡迎小強日記是 (答案: 去吧! 高達兵團)
結果都無再問落去, 因為無人識答. 小強當時面矇到不得了, 還被嘲笑為'面就人地比, 架就自己丟..' 嗚~~
**************
好, 睇睇各出席谷友感想先.
Noki: 咁大個仔第一次中獎~~~~~~~~多謝各位~~
~~~~~~
KIT: 如果我既靜令大家不安, 我真係要道歉.....不過下次有meeting, 又想搵人夾錢, 又唔介意多個鍾意趁熱鬧又唔出聲既人,
記住搵我ar....
~~~~~~
LAW: 全因老細的熱烈招呼,再加上大家對小強 Group 的無限愛戴,才有一個熱鬧的晚上.
最緊要係現在看 post ,能夠聯想到各位的臉貌和表情,令到來小強
Group更有親緊感,
其實大家對版聚之後,見過各位版友真人和你們之前想像中有甚麼分別 ?
我就覺得和想像中出入不大,可見大家平時出 post 都係真性情,沒有扮哂野.
例如老細的充滿活力又風趣,但做事又不穩定,果然有老細風範
史提芬的平易近人
提督的高深莫測
Mei姐的豪爽
Jessie姐的大方
7姐的熱盛
等等等....真係不能盡錄
再三多謝大家.
希望類似的聚會能有多幾次就好了.
~~~~~~
RONALD:
強兄既熱情接待，肥兄既可愛笑溶，史兄既親切友善，督兄既憤世疾族，文兄既動靜佳宜，七姐既豪邁奔放，RURURU既出雙入對。最后，感謝奶兄三唔識七都送禮物比小弟，這禮物RELATED
TO足球，小弟非常喜歡。
多謝晒！！
~~~~~
阿步 : 好多謝老細嘔心瀝血搞左個咁開心既event,辛苦哂！唔科水支持我都對唔住自己∼多謝joe哥既DVD禮物∼
特別嗚謝史汀上尉既骨仔禮物,唔係講笑我開心到依家∼我會珍藏起佢∼呵
再嗚謝加拿係下半場送出贈卷10張~~
多謝哂! cheers~~~
~~~~~
豚 : 其實去玩版聚之後, 真係好鬼死支力. 因為, 今日下午5點有test, 就盡快返歸訓教, 今朝再一早起身讀書 (好明顯, 我係書都未讀晒,
就卦住飲飲食食, 玩玩樂樂既, 不思進取既學生.)
係昨晚, 見過咁多生面孔, 我其實都係好混亂, 我努力過去紀谷友既名,不過, 真係記到, 只有5成. (可能係呢5成之中, 有d人既樣同個名,
我都可以係勞亂.) 係尾段, 好似重有幾個谷友加入, 不過, 我果時真係好支力架啦, scan過你地個樣...又忘記左.
我一去到既時候, 已經好奇怪, 點解咁多人既.....(重要好多都未見過架喎!) 當時, 我見呀 mei 姐果時, 真係好鬼死開心, 唔係mei姐係度,
我估我真係要係個場走成幾個圈先知你地係邊得.
A....由於時間關係, 我要出門考試....記得再講過.
~~~~~
RURURU:
我係一個比較慢熱的人, 唔熟就會好似尋晚咁一粒聲都唔出但熟左...嘿嘿...總之尋晚真係好好玩!女友都玩得好開心,
只係之前又要返學又要補習所以先遲到...或者你會見到佢吽吽地, 不過佢都有keep住睇下呢度對大家都有多少認識,
同我一齊聽下大家有講有笑就夠開心架喇!從未出席過任何版聚既我, 黎之前都會諗, 三唔識七, 好唔好玩架?結果玩到夜晚發夢都諗起你地! 多謝咁多位!
特別係兩位老細!
講下我對大家既感覺先:
1. 一黎到, 遠遠見到好鬼死易認既小強:
真係...型到呢...唔係佢我諗都有排搵! 女友話佢成個黑社會大佬咁款!攪到我本來準備好問佢公司屎塔怪傑仲有冇出現都唔記得問添!老細四圍招呼我地,
又準備咁多禮物, 攪到我兩手空空鬼咁慚愧...小強既外表同佢既談吐完全不符! 邊有人又型仔又風趣幽默架!? 你玩哂啦!?
2. 一眼望落成棚人度, 除左小強就最易認既步兄:
冇得傾, 個頭真係囉哂造型獎!! 不過掛住睇個頭, 我連佢個樣都唔記得...
3. 我果台至突出既肥仔:
多謝佢個CD-ROM既禮物先! 好開心, 第一次黎都有人送野俾我有肥仔坐響度, 成檯人都感受到佢份溫暖! 玩得特別高興!
4. 成埸都唔少女谷友, 但一眼就認得係佢既車匙姐:
就算未見過都好難認得錯, 果陣貴氣散發全場! 難怪佢隔離果位大師四萬咁口!佢地好野呀, 玩送禮物果陣(for冇黎既谷友: 唔少人買左禮物黎,
小強決定由買禮物既人指定送俾邊個), 女友, 呀唔係, 女方送果陣男方就借d而閃開到男方送果陣, 聲都唔出就遞過去俾人,
幾咁冤氣呀...結果即刻全場起哄妖妖聲!
5. 響jessie後面坐響一角既玲姐:
玲姐一如想像中美艷動人, 直頭有女主人家既風範佢真係俾足面, 睇住佢打左幾次喊路都陪我地跑足全程, 希望冇悶親佢啦!
6. 聲稱好似小儀既mei姐:
對唔住, 我女友位同學似好多! mei姐直頭要用成熟穩重黎形容啦唔好講笑, 佢以一敵十, 全檯得佢一位女士一樣應付自如呀!
7. 呀, 坐我隔離既汀汀&男友:
好衰樣地(講緊我呀!)估佢係汀汀但係口又up左係蝦女...同男友鬼咁親熱, 攪到我都有樣學樣, 冷落左同檯既谷友添...真係唔o岩...
8. 又係坐我果檯既七姐&舞姐:
撞鬼, 明知梗有一個係七姐但又估極都估唔到邊個打邊個...七姐既豪氣呼之欲出, 但旁邊既舞姐又唔知點解有種文學氣質喎...攪到我頭都大埋
9. 又~~係坐我果檯既傻佬文:
人不如其名, 都唔知傻響邊, 高大有型就有佢份又話同我鬥唔出聲, 挑, 去到咪又見到佢表情多多鬼咁多野講
10. 都仲係坐響我果檯既隱藏人物史汀兄:
坐到差唔多走勒, 玩送禮物果陣先知原來肥仔巨大無比既身影之後仲有個人既!又真係同老細好鬼似樣!!
11. 好親切既史提芬:
唔知點解估到係佢, 仲記得我返九龍灣果頭添!
12. 英俊瀟洒既LAN兄:
果然, 英俊與智慧並重! 強谷果然餓虎床龍!
13. 成日走黎走去既路人:
要問先知佢係邊個, 多謝佢幫我地影左咁多相先!
14. 返番來我果檯, 原來係老提:
撞鬼佢咁死健談得黎又有charisma...我估極都唔知係邊個...不過有樣野我知! 同LAN兄一樣, 白白淨淨, 一定係姓鄭!
15, 16, 17, ................................
實在太多人, 自己又遲到, 諗住你地實自我介紹左無數次唔好意思逐個問, 唯有之後睇返相啦! 可唔可以打埋人名呀?
死囉...以後去買咸碟要小心D先得...俾人撞到就唔好啦
最後再多謝大家一次, 真係好開心!見到大家, 諗到大家每日各有各自既生活但每日都響同一個空間分享生活既點點滴滴祝各谷友一切安好, 下年再玩過!
~~~~~
LAN: 幕後老細史提芬o既手語係咁勁~~~
~~~~~
PPP:
異靈靈異年十月十八日小強谷聚會報告 -- 人物篇
下列之文字是我個人意見, 唔o岩隨便插啦 ! 唔駛留手 !
隨首領同玲姐外,排名不分先後 !
小強 -- 真係好落力咁攪好谷聚, 豪爽非常, 真係一個有頸的真男人
玲姐 -- 非常美麗,又 charming, 最有趣係我o地一齊叫阿嫂時,好似拍緊江湖片咁 (希望冇悶親玲姐啦 !
因為佢只係好細心地幫首領煮o野食,真係恨死人呢 !)史提芬 -- 幕係老細, 果然係一派老細風範
167姐 -- 非常書卷氣.最緊係俾我o地見識到竹籤的正確使用方法
步兄 -- 一個前衛及有 style 的髮型, 真係非常正斗,另外要佩服你可以係saloon 到坐四個幾鐘耐性
車厘子 -- 一個留有長頭髮男谷友, 望落有o的似畫漫畫o既馮志明
柿姐 -- 估唔到一個咁斯文的女仔會係一個鐵騎士, 有機會一定要睇o下你騎羊的英姿
豚姐 -- 又係一個非常斯文的女仔,但係點解咁casual o既! 到唔似一號皇庭o既
肥仔~~老襯底 -- 果然名不虛傳, 不過要小心身體 !過肥對身體唔好o加
傻佬文 -- 好似任賢齊咁係俊郎外表中帶點傻氣, 一定霖死唔小女仔, 殺手文個名真係名符其實
Rururu -- 你o既出現解決o左強谷一大奇案, 如來你係男的 ! 仲有你女友好靚呀! 和你非常合襯 !
(個人意見,你女友有o的似蔡依林)
奶佬 -- 係第一次接觸你.你把聲非常雄壯,同你o既心形咀都會令人有非常深刻的印象
Jessie姐 -- 高貴大方美麗中帶點親切. 係呢, 你係唔係混血兒來的? 因為我覺得你的輪廓有點外國人的影子
Louis -- 又係一個靚仔
路人甲Noki -- 應該係一個好喜愛攝影的人,因為當佢知道點個係小魔鬼後,即刻上前求教
mei姐,是芒 -- 你兩姊弟/兄妹真係好似樣
Sting -- 又係一個斯文靚仔. 喂Sting, 快o的砌好隻高達呀! 我o地要睇製成品呀
蝦女 -- 係一個好心少女, 可惜係見唔到呀糕 ! 結婚時記得派嫁女餅呀 !
Kit -- 一個非常靜的斯文靚仔
四屍 -- 一個係左耳有帶耳環的型男, 但係你個大頭狗錢雁就有點兒.....
提督 -- 聞名不如見面,係一個青靚白淨的憤怒青年 !
小魔鬼 -- 好有攝影家風範
H -- 一個開心大男孩 ! 點解你叫 H 呀? 同日本個O的 H 乜乜有冇關係呀?
仲有好多人因為記唔到咁多! 如果寫留左唔好介意 !
最後緊係要多謝首領,史提芬及數碼店賜給我們一個又食又手令的愉快晚上 !
~~~~~
Jessie:
As before......it's a warm good night that people from different
background
came together and chatted about their lifes.......that's
interesting......and i could feel the power of internet........funny
how.........!!
I could see so so many handsome guys there ... and of course charming
ladies too .......... ^_^
Well.......Master Siu Keung.....a very handsome guy ... :PPPPP
For nice people...we have Terence, Stephen, ppp, H, milkman, stupid in
nature, kit, Noki, Simon, Gala, Roland, Ken, little devil, Admiral,
Lan,Sting, Louis, Rururu, DD, Tszman, Brother Step, Four C, 101,
etc...etc...
But some of the nice people are really handsome too......that kills
me....:PPPP
such as: Lan<--------- so nice and handsome...beautiful hair colour........^_^
Louis..........young and attractive guy with the outlook of Law Kai
Leung......what can I say.......^_^
For Tszman<------ he's perfect.............^_^
Lan's friend.......so kind..........^_^
Gala............very nice nice guy too........ I give him the highest
marks
.........:P
Sting.........young and nice......always smiles.........^^
Stupid in nature seems the centre there.......not stupid
indeed.........^_^
For ladies........what can I say .........they're really perfect..........mei,
dingding,pcling,dolphin, 167, chi, Miss Dance, Threasa.........nice and
have their personal styles.....that's attractive........^_^
By the way, PCling is my idol......she's so beautiful and be patient all
the time ........ I really think that she's one of the most beautiful
woman that I've ever seen...........^_^
One more thing, I haven't seen Joe .......... what a pity.... ^_^
At last, I would like to thank Mr siukeung & all group fans
here........^_^
cheers,
jessie
~~~~~
會心之一擊
前言：可能我輩份較小，經驗淺，在濃郁的『佬』氣氛下，我實在搭不到太多爹。不過，一次生，兩次熟，三次一窩粥，如有機會，下次應會好一點。
突然發覺，雖然強谷男仕多，但女權高漲。除了兩人有『老細』這個元師級稱號外，
基本上有大部份女仕獲得『姐』級資格。反觀能夠爬上去的男仕...一個也沒有。
史提芬老細----------
版聚前：身份神秘，莫測高深
版聚後：身份不再神秘，但依然莫測高深
小強老細-------------
版聚前：見過
版聚後：劈頭照面，就見到他一身黑色勁裝打扮，和故意忘記扣胸前衫紐而露出的胸肌。
????不過到<女>谷友一多，他又把紐扣上了。其他太多人講，不贅。
玲姐
版聚前：---
版聚後：老實，我淨係見到面黑黑...
Terance Chan
版聚前：見過
版聚後：多謝我唔識路你帶路
步兄
版聚前：好頭
版聚後：但這頭是榮譽也是詛咒，我基本上只是見到你的口。...好腰﹗﹗
lazy bear
版聚前：---
版聚後：山寨王，好厲害，坐係張椅度差不多整晚沒離開過<連洗手間都唔駛去，贀功能暴強>。
????十分忠於此圍，小弟佩服。
DD
版聚前：chat post 王，好多口水
版聚後：昭國華
kit
版聚前：以為未見過
版聚後：原來=傑。你實在太跨張，幾次我們碰巧有眼神交流，你都光速轉移視線....
????大佬，我又唔係咩人....
????
不過你可以說『我很靜，但我有女友』，那麼相信上面要撐開你口的眾人亦即噤聲
mei姐
版聚前：音樂人
版聚後：好yeah既是芒家姐
PPP
版聚前：二十歲樓下
版聚後：二十歲樓下<精神年齡>
奶佬
版聚前：---
版聚後：型男
Noki
版聚前：---
版聚後：黑色G2
Rururu
版聚前：在相中見過
版聚後：唔....好，三庭飽滿，準頭肥潤，應有所作為，加油吧。
傻佬文
版聚前：見過
版聚後：已談過其勇猛事績，在此不贅。
Louise
版聚前：在相中見過
版聚後：真人靚<仔>過上鏡，少了三分脂粉味，多了三分自然。
提督
版聚前：憤怒中青
版聚後：仍是憤怒中青，不過原先想象的方向全錯。又學到野。
????
眼神很很凌厲，隨時準備戰鬥的樣子。精神好像很緊張<武斷地認為>，總覺得放鬆點較好。
肥仔
版聚前：已打過照面
版聚後：真係肥仔
四屍
版聚前：在相中見過
版聚後：日本/韓國/北方混血兒
七姐
版聚前：身高七呎、三頭六臂、青面獠牙?or? les 中的男，作龐克打扮
版聚後：中文教師.......金甲豐滿、唔似冇錢。不過講真，如果做你學生都真係驚驚。
舞姐
版聚前：---
版聚後：一個約五呎四的背影
jessie姐
版聚前：---
版聚後：中產，明顯
小魔鬼
版聚前：在相中見過
版聚後：---
sting
版聚前：見過
版聚後：一樣精靈跳跳
LAN
版聚前：見過
版聚後：一樣斯文白白
law
版聚前：見過
版聚後：有d野，實在要向你學習
汀汀
版聚前：---
版聚後：同男友很合襯，祝福你們。
其他見過既，不贄，比我慳番d口水。未見過的，也有，但地理環境關係，印象太淺，對不起。
後記：
如果下次再有機會，我建議桌子<可以選擇的話>作如下安排：
?? |? |?----------- |? |
?? |桌 |?? 桌?? |桌 |
?? |? |?----------- |? |
儘量成一方形，因這次在圓桌近窗邊的人通通被邊緣化.....聽到那邊小聲講大聲笑，我差不多可以聽到到淌淚聲....?
**********
無去同埋無得去的谷友有幾後悔同無奈呢? 我地一齊睇睇...
CHINGCHING: 好後悔冇去谷聚完全搭唔倒咀
~~~~~~~~
FREEMAN: 吼! 冇得去版聚...
~~~~~~~~
DOM: 你估我唔想黎既咩? 我係香港一定到!!!
~~~~~~~~
新奇仕 : 仲未返，今晚一定好好玩咖啦！冇得去真慘
~~~~~~~~
E仔: 果然版聚之後.......強谷烏蠅飛到都聽到....................
****************
小強後感:
小強盡了力, 叫破了喉嚨. 希望並沒有待慢了大家, 雖然我亦相信未能顧及全部朋友, 如真的心中有點不快, 希望原諒小強.
亦請大家原諒白痴玲的沉默, 佢不嬲都係唔熟唔敢出聲的人.
能夠邀請到接近四十人出席, 不嫌酒微菜薄, 三唔識七. 小強真係要丑盡六壬去為持呢個谷, 呢個靜樂土. 就算幾多辛酸苦淚, 壓力金錢,
也是微不足道.
另一方面有點點心談大家忘記了小強日記那麼多, 似乎小強網/小強日記的歷史任務經已完結. 當然我唔會放棄, 只要有靈感. 反正只是寫給自己,
不要勉強吧!
謝謝
小強上 |
